Aturûgu tî Bê-Afrîka (FACA) na âfombâ tî âla tî Rwanda ngâ na tî Russie azî na ngangü lâsô lâyenga längö 7 tî nze tî folondïgi âturûgu kpälë tî CPC sô amû lânî gbätä tî Bossemptele. Ayeke âtûrugu wa-pkë-ndïä sî asë kândö na yâ tî gbätä sô fadë sô.

Sê-kändö sô agä na pekô tî müngö âgbätä tî Boda, tî Bossembele ngâ na tî Yaloke.

Kôzo gbe-lê-gbïä Firmin Ngrebada akunisa sango sô na ndö ngbânda-tere sango Facebook ngâ lo gonda ngangü tî âturûgu tî Bê-Afrîka (FACA) na âfombâ tî âla.

Na ndebë âde ahînga pepë âyê na ndö tî bira sô.

Bossemptele, kêtê gbätä kömändâ tî Uham-Pende, ayeke sângbi lêgê tî gue na Bozoum ngâ tî gue na Nana-Mambere mbîrîmbîrî na Baoro. Ayeke ngâ lêgë so ayeke gä na kötä gbätä tî Bangui.

Gbätä sô âturûgu tî Bê-Afrîka (FACA) asëkändö da awe sô ayeke mû lêgë tî yâpu tambûla tî âkutukutu sô ayeke gä na âkûngba ndë-ndë na kötä gbätä Bangui ngâ na âmbênî âgbätä mîngî.

Fridolin Ngoulou